الثلاثاء، 26 مايو، 2009

تكملة : مضادات الأكسدة

بسم الله الرحمن الرحيم
ذكرنا فى المقال السابق نبذة نظرية عن مضادات الأكسدة و عن الأطعمة و الأعشاب التى تحتوى عليها
و سأحاول فى هذا المقال إن شاء الله نقل الموضوع إلى خانة التطبيق العملى و بيان كيفية الإستفادة العملية منه
كما ختمنا المقال السابق فإن من نعمة الله علينا و فضله أن مضادات الأكسدة موزعة على نباتات متنوعة..
منها الغالى المكلف و منها الرخيص الميسَر و هى فى نفس الوقت تناسب الأذواق المختلفة ..
سأحاول بقدر الإمكان أن أغطى كل ذلك :
1- أفضل الطبخ يكون بالزيوت النباتية غير المكررة مثل دوار الشمس و الذرة فهى تحتوى على فيتامين ه و فى نفس الوقت مذاقها يصلح لكل الأكلات
بعدها زيت الزيتون و لكنهم مكلفون ماديا
عند عدم الإستطاعة يستخدم المكرر منها ثم فى الأخير الزيوت الصناعية و السمن الصناعى و زيت النخيل و هم الأضر ..
* ملحوظة : السمن البلدى قرأت عن الكثير من فوائده و لكن لم أقف بعد على توثيق
2-الخبز : الخبز الأسمر ذو الردة هو الأفضل لغناه بفيتامين ه
3-أكل بعض المكسرات يوميا مفيد جدا لكثير من وظائف الجسم و لو حتى الفول السودانى
4-طبق السلاطة الخضراء فى منتهى الأهمية ..
طبعا مع الخيار و الطماطم يمكن أن نضيف الجرجير, البقدونس , الفلفل , الجزر , الخس , الكزبرة , الكرنب , الرجلة... أحدهم أو بعضعهم أو كلهم..
من المفيد جدا أن نضيف ملعقة كبيرة من زيت الزيتون فهو مفيد فى ذاته و أيضا يساعد الجسم على الإستفادة من الفيتامينات الموجودة فى الخضروات
5- سبحان من وزع الفواكه على مدار السنة فى مواسم مختلفة ..
و فى كل موسم سنجد فاكهة على الأقل مما ذكرنا فى المقال السابق بسعر مناسب فعلينا اغتنام الفرصة و الإكثار ..
أكل الفواكه بعد الوجبات الدسمة اختلف فى فوائده أو مضاره العلماء و لكن الأكيد أن امتصاص الفيتامينات من الفواكه يكون أفضل فى وجود الدهون فى المعدة..
6-استخدام الكركم و الزنجبيل و الثوم و البصل و الكزبرة كتوابل فى الطبخ مفيد جدا و يمكن التنويع بينهم حسب الذوق و حسب الأكلة
7-البروكلى و القرنبيط مفيدان جدا فيا حبذا لو قطعة على الأقل يوميا غير مقلية فى الزيت
8-نحاول ألا يمر اسبوع بدون أكلة كبدة
9-أفضل الخضروات المطبوخة مما يحتوى على مضادات الأكسدة : الكوسة و القرع , البازلاء ,السبانخ فلنحاول ألا يمر أسبوع بدونهم
10-طبق الفول الصباحى ( أو المسائى أو الظهرى طبعا :) ) لو أضيف عليه زيت حار ( زيت بذر الكتان) بدلا من أى زيت آخر سيكون أمثل للصحة عامة م هذا كان دأب أجدادنا
11- قال رسول الله صلى الله عليه و سلم: بيت ليس فيه تمر فأهله جياع ...أو كما قال .. و التمر كما علمنا من المقالة السابقة به مضادات أكسدة
12-لمحبى الشوكولاته... أثبتت الدراسات أنه لا ضرر مطلقا من الشوكولاته السوداء ( ذات اللبن القليل أو أفضل الخالية منه تماما )
بل لها العديد من الفوائد و إن كانت غالية السعر
13-كوب قرفة أو كوب إكليل الجبل ( حصر البان ) ...
سهل التحضير ..ملعقة صغيرة على كوب ماء مغلى و سكر و يقلب و بالشفا..
ممكن نصف ملعقة من هذا و نصف من هذا و نعمل كوكتيل..
14-يجب أن نحذر من الحمية الخالية من الدهون على الإطلاق ... فوجود الدهون فى الغذاء ضرورى لإستفادة الجسم من بعض الفيتامينات التى لا تذوب ( ومن ثَم لا تمتص و لا يستفاد منها ) إلا فى الوسط الدهنى مثل فيتامينى أ و ه
15-لا قدر الله ..عند حدوث مرض مرتبط بالأكسدة ... مياه بيضاء على العين ..ضعف الإبصار مع تقدم العمر .. زيادة الكوليستول فى الدم و إضراره بالشرايين و القلب .. التهابات البروستاتا .. السرطانات ...و العديد من الأمراض الأخرى ... لا مانع من تناول حبوب مضادات الأكسدة المركزة ...
منها ما هو مشكل ( عدة مواد ) و منها ما يحتوى على زيت جنين القمح ( مصدر رائع لفيتامين ه ) أو حبوب سيلينيوم ( خاصة لمشاكل البروستاتا ) أو فيتامين أ أو سى
اللهم لك الحمد حمدا كثيرا طيبا مباركا فيه

هناك 26 تعليقًا:

Soul.o0o.Whisper يقول...

السلام عليكم و رحمة الله وبركاته

أنا قلت ألحق
أوووووووووول تعلييييييييييييق


ههههههههههههههه


أروح أقرأ بئا

Soul.o0o.Whisper يقول...

أولا : أحب اشكرك جدا جدا جدااااااااااا

طبعا دا لأنى باحب الشيكولاتة
مش لحاجة تانية :)

و ثانيا : المفروض تكون أولا بس مش مشكلة
إنى من عشاق التمر
بأحبه جداااااااااا و خاصة تمر المدينة
بأصى كل الناس عليه
هههههههههه

و ثالثا : لأنى باحب السلطة و الفاكهة جدا جدااااااااااااااااا
فبردوا بأشكرك

و رابعا بئا دى عشان التوابل لأنى بأموت فى التوابل على الاكل

إنما مش بأشكرك خالص خالص
عشان مش باحب الفول
يعنى ممكن ترضية ضمير بس
هههههههههه



بجد ..ربنا يبارك لك
و يجعله فى ميزان حسناتك يارب

بس سؤال بعد إذنك
هى ( الحمية ) دى تقصد اللحمة؟؟
و لا ايه الحمية دى؟؟
و بعدين إزاى بدهون يعنى ؟؟

دا أنا بأفصص اللحمة نسيرة نسيرة
ههههههههههههههه



دمت بود

اللؤلؤة يقول...

د/على خميس
السلام عليكم
معلومات هايلة وحضرتك هتخلينى أقلب الموازين فى طعامنا
أفادك الله وجزيت عنا خيراً ولافض فوك ولا جف يراعك . متابع معك إن شاء الله
دمت بكل الخير

ابو المفاصل الواصل يقول...

ليه يا سادة تعاهدنا على السمع والطاعه؟؟؟
للحفاظ على الجهل والتخلف والغلاسة والنطاعة
والكذب بكل اخلاص وصدق وحرفنة وبراعــــــة
والعمل بقوة وجدية فى الهيافة والاضاعـــــــة
ومحاربة الابداع ونشر الصراع بما يضعـف المناعة
وقتل الوقت وزرع المقت والكره والنفوس الملتاعة
والتقهقر للوراء وان مشينا نكون فى منتهى اللكاعة
ونشر الفحش وارتكاب الجرائم بكل الخســـة والشناعة

د.على خميس يقول...

و عليكم السلام و رحمة الله و بركاته
شكلك كده هتبقى على طول أول تعليييييييق
شرفتينا و آنستينا

د.على خميس يقول...

أوعى تنسى إنى بتكلم على الشوكولاته السوداء ( بدون لبن )


ده انت ماشية طبيعى مع كل مضادات الأكسدة .. ربنا يباركلك فى صحتك

الحمية اللى هى النظام الغذائى بتاع التخسيس ... ريجيم يعنى ...مش اسمها حمية بردو و لا انا غلطان ... مش عارف

بارك الله فيك
و دمتى أنتى أيضا بود

د.على خميس يقول...

و عليكم السلام و رحمة الله و بركاته
أخى ا / عمرو
جزاك الله خيرا لإهتمامك و تواصلك
لا و الله مش انقلاب و لا حاجة بس هى محاولات لزيادة وعينا الصحى و الغذائى أسأل الله أن يوفقنى فيها

أسألك الدعء

بارك الله فيك
تقبل تحياتى

د.على خميس يقول...

أخى أبو المفاصل الواصل
شكرا لزيارتك
و جميل كلامك
بارك الله فيك و زادك وصولا إليه
تقبل تحياتى

اللؤلؤة يقول...
أزال المؤلف هذا التعليق.
hend...hanady يقول...

شكرا جدا على المعلومات دى يا دكتور طبعا ان شاء الله هنحاول ننفذها وهحاول اقرا باقى المواضيع فى المدونة دى
نتمنى منك ان شاء الله باستمرار معلومات مفيدة

dr aly khamis يقول...

السلام عليكم
عفوا يا باشمهندسة هند
أهلا و سهلا بك
شرفتنى زيارتك الكريمة و أرجو أن تكون المدونة مفيدة ..
بارك الله فيك
تقبلى تحياتى

عطش الصبار يقول...

دكتور على خميس
مدونه جديده ومفيده
لاننا بنعانى من اسلوبالتغذيه الخاطىءفى حياتنا والتى من نتائجها الامراض الخطيره المنتشره
جزاك الله خيرا على هذه المعلومات وسوف اتابعكم ان شاء الله
تقبل تحياتى

dr aly khamis يقول...

السلام عليكم
ا / عطش الصبار
شرفتى المدونة
أرجو أن نستفيد جميعا و أن نحاول أن نغير عاداتنا إلى الأفضل فى كل شئ
أسعدتنى زيارتك الكريمةو تعليقك المشجع
بارك الله فيك
تقبل خالص تحياتى

dr aly khamis يقول...

أخى الكريم
اللؤلؤة
مدونتك ترفض تعليقاتى
:(
مش عارف ايه الحكاية
على العموم أنا هفضل أحاول معاها لغاية ما تحن علىّ
بالذوق بالعافية هعلق
:)
بس اسمح لى أن اهنئك على هذه المدونة المميزة حقيقى
بارك الله فيك

Rosa يقول...
أزال المؤلف هذا التعليق.
Rosa يقول...

جزاك الله كل خير عن المجهود المبذول في المدونه الرائعه دي
بجد استفدت كتير
و في انتظار المزيد

dr aly khamis يقول...

السلام عليكم
ا/ روزا
شكرا لزيارتك الكريمة
أسعدتنى فعلا
أحمد الله أنك استفدتى
بارك الله فيك
تقبلى تحياتى

rovy يقول...

السلام عليكم

بارك الله فيك يا دكتور و جزاك كل الخير لمجهودك الواضح بالمدونه للافاده ..
خقيقى معلومات فى غايه الاهميه و لك جزيل الشكر ..

خالص تحياتى

dr aly khamis يقول...

و عليكم السلام و رحمة الله و بركاته
ا / روفى
جزانا الله و إياك كل خير و بارك فيك
شكرا لزيارتك الكريمة أختى
شرفتى المدونة التى أرجو أن تكون فعلا مفيدة
تقبلى وافر التحية و التقدير

المجاهد الصغير يقول...

السلام عليكم
جزاك الله خيرا معلومات مفيده
اللهم اجعله فى ميزان حسناتك

dr aly khamis يقول...

و عليكم السلام و رحمة الله و بركاته
أختى ( المجاهد الصغير )أم أنس
جزانا و إياكم كل خير
تقبل الله منا و منكم
تقبلى تحياتى

احساس طفلة محبة للرومانسية بس واقعية يقول...

جزاك الله خيرا
البوست دا مفيد جدا
وجامع بين الفاكهة والخضروات والتوابل والزيوت بجد ممتاز جدا
ربنا يبارك فيك
تقبل مرورى

dr aly khamis يقول...

السلام عليكم
ا (احساس طفلة)
أهلا بك أختى شرفتى مدونتى و أسعدتنى زيارتك

جزانا و إياك كل خير

بالهنا و الشفا و الصحة و العافية :)

بارك الله فيك
تقبل خالص تحياتى

همسة ايمان يقول...

ماشاء الله بجد معلومات قيمة جدا

جزاك الله خيرا على الجهد الرائع المبذول فى المدونة

ودايما يارب تفيدنا بكل جديد

تقبـــــــ مرورى ــل

dr aly khamis يقول...

السلام عليكم
ا/ ( همسة إيمان)
مرحبا بك
سعيد بزيارتك الكريمة
جزانا و إياكِ كل خير
بارك الله فيك أختى الكريمة
تقبلى تحياتى و تقديرى

غير معرف يقول...

بارك الله بيك يا دكتور على معلوماتك جيدا صديق جديد